家傭突走佬避債 孫慧雪:人善被人欺

藝人孫慧雪3年前嫁人妻,與圈外老公育有2歲囝囝Riley,由於婚後仍做幕前工作,因此早前她便請家傭分擔家務和照顧小朋友,誰知近日卻遇上麻煩事。日前她在facebook上載一封財務公司追債信,大呻工人姐姐突然辭職,原來是為避債:「我工人姐姐突然請辭,話要返鄉下,我想請佢幫多幾日手都唔肯,喺佢一走咗之後,追債電話就打嚟,又收恐嚇信,即刻明晒點解對佢咁好都要走,我之前仲猛咁諗,係咪辛苦咗佢!佢之前話有困難,我哋仲借咗筆錢畀佢!唉!佢明知我哋屋企有小朋友都咁樣,真係好過分~可以點解決😩#人善被人欺#點解我成日遇到呢啲嘢」

孫慧雪指自己有借錢給對方,誰知家傭卻恩將仇報。(取自孫慧雪facebook圖片)

而網友見到即教路要去入境處備案,同時要通知財務公司工人姐姐已經離職,亦有網友問她工人是否僱傭中心請回來,她即吐苦水:「係呀!仲要interview嗰陣話肯照顧小朋友,請咗返來之後話唔會照顧小朋友!」

雖然沒有家傭的日子踢晒腳,但阿雪卻樂觀地表示自己湊仔都幾好。(取自孫慧雪facebook圖片)
孫慧雪日前在facebook大呻家傭避債走佬,獲不少網友同情。(取自孫慧雪facebook圖片)
分享: