早年傳患腦癌 李珊珊親揭病情

前港姐冠軍李珊珊,早年淡出幕前,神隱多時,期間傳出她患上腦癌及抑鬱症今年2月,她為東華三院的慈善音樂會再次現身,但未有提所患何病。日前她為「精神健康基金會」拍攝短片,親證患上驚恐症及治療的心路歷程,獲一眾明星包括過來人鄭秀文、古天樂、甘比陳凱韻及何超蓮等明星名人為她打氣。

珊珊透露病發時覺得是瀕死邊緣。(網上圖片)
片中珊珊以揭卡紙形式說出自己由發病原因及康復過程,逐一向大家解說。她表示:「我系李珊珊,I have a story to tell… 2017年,我身處醫院,當時因為種種原因,第一次出現非常激烈嘅病徵,發熱、標冷汗、全身冇力、呼吸困難、不停地掙扎、直至眼前一黑。嗰種令人窒息嘅感覺,我直頭覺得系瀕死邊緣。經過唔同嘅檢測,專科醫生都搵唔到病因,病徵持續出現,每日都徘徊地獄又折返人間,兜過唔少冤枉路路,做過唔少測試,都系搵唔到病因。直至有一日….經轉介去劉英傑醫生,我先知道個病系叫驚恐症,幸好劉醫生教曉咗我,情緒病其實同傷風感冒一樣,有得醫,我開始向信得過嘅朋友分享,輕描淡寫地透露我嘅狀況,就好似患咗傷風感冒一樣,No big deal。」
她續說:「然後,我就只系做兩件事,準時覆診,準時食藥,加上好友們嘅關心同不離不棄,病情慢慢好轉,驚恐症嘅症狀無再發生,瀕死邊緣嘅感覺無再出現,我就知道,我嘅情況受到控制,而家睇返轉頭,慶倖當初堅持搵病嘅根源,知道問題根源先可以搵啱解決方法。情緒病其實同普通病無分別,搵啱醫生食啱藥,病就自然會好,我選擇行出嚟同大家講我嘅故事,系希望有相同遭遇嘅朋友,又或者你身邊有相同遭遇嘅朋友,都可以分享佢哋嘅故事。」

分享: