囝囝7個月大 張致恆暗示老婆再懷孕

張致恆早前被踢爆一腳踏五船而被封為「世紀渣男」,幸得老婆雯雯對他不離不棄,更為他誕下兒子「天寶」。自從結婚生子後,張致恆明顯修心養性不少,其老婆雯雯亦不時在IG發功,狂po一家三口幸福照,努力為老公洗底。

張致恆和老婆雯雯不時在IG貼溫馨相,積極洗底。(取自雯雯IG圖片)

轉眼囝囝「天寶」已經7個月大,日前雯雯在IG貼出老公張致恒抱著兒子對望的溫馨照,並留言暗示再有喜。她寫道:「已經幾日食唔到嘢,咩都冇力做唔到,辛苦你照顧個仔仲要照顧我,辛苦你要將我食完一兩啖嘅嘢食埋佢,辛苦你要一日煮咁多餐畀我食,辛苦你要遷就我嘅脾氣同無理取鬧。仲有幾個月…大家一齊努力堅持埋佢!」

兒子天寶轉眼已經7個月大。(取自雯雯IG圖片)

唔少網民都猜測雯雯那句「仲有幾個月…大家一齊努力堅持埋佢」是暗示再度懷孕,紛紛為她送祝福,張致恆亦有留言回應老婆:「因為你,我真係要好好減肥先得,如果唔係我抱唔到倆個啊,我愛你。」兩公婆似有所暗示。

張致恆和雯雯不約而同暗示明年一家將會進入新旅程。(取自雯雯IG圖片)
分享: