蔡少芬成功追仔宣布封肚 細仔重8磅2取名樂兒

現年46歲的蔡少芬今年6月宣佈懷上第三胎喜訊。今日老公張晉在微博發佈喜訊,指老婆平安誕下兒子。他接受訪問時,就笑言生完這胎老婆便正式封肚。他笑言:「佢唔封就我封啦!」他指兒子出世時重8磅2,十分健康和大隻。

另一張相是細仔小手捉着手指的相,張晉指已幫囝囝取名樂兒。(取自張晉微博圖片)

而他亦留言表示細仔取名「樂兒」,現時已平安回家,並附上全家福,由小女兒信兒抱著BB,相中剛分娩的蔡少芬,看上去精神飽滿,狀態不錯,還有一張BB握着手指的照片,一家五口幸福滿溢,非常溫馨。

她笑言6年前已打算封肚,今次成功追仔是上天的恩賜。(取自蔡少芬微博圖片)

至於剛生完仔的蔡少芬在接受訪問時,提到自己第一眼見到BB覺得感動又感恩。她說:「一開始好驚,又要重新學習湊BB,但一見到BB嘅時候就好感動同眼濕濕。好感恩又好興奮,多謝上天畀咗一個寶貴嘅產業我。兩個家姐都已經大個女,所以好錫個細佬,樂兒黎到呢個家庭會好幸福,有個好愛佢嘅爸爸媽媽同家姐。」問她會否封肚。她笑言:「其實六年前已經封咗肚,今次係一個感恩嘅意外,就算生多左個都唔會減產,大家記得有工作就要搵我啦!」

張晉在微博貼一家五口相,宣布老婆蔡少芬誕下細仔。(取自張晉微博圖片)
蔡少芬透露兩個姐姐已大個女,並很疼錫細佬。(取自蔡少芬微博圖片)
分享: