楊柳青食煙食到想嘔 靠錢嘉樂學識揸槍

「新一代打女」楊柳青(Wiyona)首次拍攝槍戰戲份,非吸煙的Wiyona更被一場「食煙」場口考起,頻頻NG結果食了半包煙,坦言邊拍邊想嘔。

楊柳青首次拍攝嘗試槍戰戲份。

在電視劇《解決師》飾演性感俏秘書的Wiyona,於新片《催眠.裁決》裏收起媚態,飾演職業殺手。除了在戲中有埋身肉搏的武打戲份外,更有不少槍戰鏡頭,十足女中豪傑。雖然動作戲對於Wiyona來說是耳熟能詳,但她卻是首次嘗試拍攝槍戰戲,Wiyona說:「成日都忍唔住眨眼,唔識點揸槍,好彩遇到今次動作導演錢嘉樂,我同佢第一次合作,喺佢身上獲益良多,佢唔單止教我點揸槍,仲教我好多拍動作戲技巧。」

楊柳青學識如何揸槍。

Wiyona直言跟錢嘉樂合作後,即封對方為偶像,期待可以再度合作:「平時見佢演嘅角色好搞笑,但佢一去到片場就會好認真,佢仲分享咗好多做動作演員嘅經驗畀我,以前我NG會覺得尷尬,怕影響到其他演員,係佢同我講動作演員唔應該怕NG。」

楊柳青與錢嘉樂合作,視對方為偶像。

Wiyona表示今次拍攝雖然沒有被動作戲難倒,卻被一場「食煙」戲份考起,搞到頻頻NG,她說:「平時我係唔食煙,今次第一次要拍食煙鏡頭,可能出嚟效果唔夠型,所以頻頻NG,一個簡單食煙鏡頭,一食就食咗半包煙,唔慣煙味,邊拍邊想嘔,拍完呢場戲,聲都沙埋。」認真大犧牲。此外,問到Wiyona除了打之外,還想演甚麼角色?她笑言不敢貪心,想繼續從武打方面讓觀眾認識她,還表示希望可以繼楊盼盼、楊紫瓊、楊麗菁後,提起武打女星,大家會叫得出楊柳青。

楊柳青希望提起武打女星,大家會叫得出她的名字。

——————————
【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享: