【消失的帖文】王迪詩IG發文講感受被「河蟹」 網民揶揄傷了玻璃心

日前杜汶澤與陳百祥(阿叻),應港台邀請出席《視點31》藍黃舌戰,在facebook、電視均有直播,事後成為大家茶餘飯後的話題。才女作家王迪詩亦就此事件分別在facebook和Instagram貼文發表一則曾經訪問過陳百祥的感受。她貼出在2015年曾為港台節目《我係乜乜乜》做主持時訪問過阿叻,王迪詩寫出真感受:「好多人問我訪問阿叻最難係乜。我答:忍笑。」估不到這個post期後在IG被「河蟹」。

(Instagram)

王迪詩昨晚在社交網公開此事,她說:「Instagram話我昨日寫關於叻哥同阿澤辯論個post係hate speech,將我個post刪除咗。呢個post我同時喺fb刊出,至今有超過40,000個like,reach:1,305,907。大批五毛留言攻擊我,IG個post被佢哋report到刪咗,相信fb post被消失都不遠矣。是否hate speech,相信大家心中自有判斷,我個post非但冇散播仇恨,反而勸大家放開啲,唔需要動氣同爭拗。請幫忙back up我昨日嘅fb post,見到你認為係hate speech嘅留言請幫忙檢舉。IG冇咗,大家嚟我fb睇啦,撐到一秒得一秒。」

網民紛紛留言力撐,「乜嘢話,班無腦五毛搞到冇咗個post」、「唉,真係人一藍,腦便殘」、「要小心啲人會report埋你IG acc冇咗」、「平時藍絲啲hate speech就report極都唔delete,頂」、「支持你直言,強國人玻璃心,真係好易碎,受不起風浪。」

——————————
【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享: