江嘉敏25歲生日 男友宣示主權貼放閃相

藝人江嘉敏(Kaman) 日前25歲生日,在IG貼了與好友馮盈盈、劉佩玥及麥明詩等開Party的照片,之前和男友拍拖頗低調的她,還激罕地tag了男友Anthony的IG,其男友的IG亦由private變做public,任網友欣賞二人的甜蜜合照,不單有他們穿情侶裝,還有在沙灘攬腰錫錫相,男友此舉分明是要宣示主權,讓女友的狂蜂浪蝶不能埋身。他還公開對女友的肉麻暱稱:「Happy birthday to my boss, love you 8 to the sideway as always.」江嘉敏亦秒速回覆:「1st like.」

江嘉敏踏入25歲生日,罕有和男友放閃晒幸福。(取自Anthony IG圖片)

至於壽星女江嘉敏亦搞笑地將自己報細數,留言:「生日快樂to Me!又大咗少少喇!終於18歲半喇!一年比一年嘅生日開心!食嘅生日飯生日蛋糕都每一年遞增!當然體重都係!睇住自己每年都有進步,的確想多謝身邊嘅每一位好朋友!亦都好多謝屋企人同Fans一路默默嘅支持!我會繼續努力,去學習去進步!今年就克服咗怕水,去學潛水!唔知嚟緊可以克服咩困難呢!」

其他女藝人包括麥明詩、馮盈盈都有為江嘉敏慶生。(取自江嘉敏IG圖片)
Anthony更暱稱女友做「my boss」,以宣示主權。(取自Anthony IG圖片)
分享: