許俊豪@BOP遇意外斷手骨 隊友嘲笑玻璃製造

組合「BOP 天堂鳥」成員許俊豪(Lincoln)日前排練時發生意外,右手骨折送院治理。兩位隊友到醫院探望他時,嘲笑他是由玻璃造成,致經常受傷。

歐喬鋒(後)及葉灝基(左)到醫院探望許俊豪(右)。

許俊豪日前在練習後空翻動作時發生意外,右手落地時失平衡,導致右手骨折,倒在地上不能動,即時送往醫院醫治。經醫生診斷後,證實右手他的前手臂骨折,需要鑲螺絲和鐵片固定骨折位置,已經即時做手術,預計需要六至八個星期康復。Lincoln表示跌倒的一刻,只係感覺手臂好痛,救護人員到場先知道右手斷了:「我個刻擔心影響之後嘅工作,同兩位兄弟一齊嘅演出。」

許俊豪@BOP 在社交網站的限時動態上透露受傷入院。

「BOP 天堂鳥」另外兩位成員葉灝基(Gordon)及歐喬鋒(Tyrese)在Lincoln手術完畢後,到達醫院探望。Gordon說:「見到佢都好精神,仲識講笑,話下次實無事。我哋都嘲笑佢係玻璃造,成日整親呢度嗰度,今次呢獲鑊咁嚴重,希望佢真係聽聽話話休息。」

Tyrese餵Lincoln食蛋糕。

Tyrese 亦表示Lincoln平時做任何運動都唔錫身:「成日去到好盡,已經有好多人提醒我哋好好睇住佢,要佢小心啲,估唔到今日真係收到電話,話佢斷咗隻手。不過見到佢咁痛又唔忍心話佢,只可以睇佢有咩需要,盡量幫佢,等佢快啲好番。」而Lincoln表示時一定會好好休養,不敢再亂郁動,只希望不會影響到其後的排練和日後跳舞的發揮。

許俊豪(右)希望不會影響到其後的排練和日後跳舞的發揮。

——————————
【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享: