宣布與好友割席 梁芷珊:只同正義良知做朋友

梁芷珊在6月爆發社運至今,多次在facebook留言表達意見,日前她公開表明和撐警朋友割席。(取自梁芷珊facebook圖片)

近日社會氣氛持續緊張,不少親友都因政見不同而紛紛割席絕交。才女梁芷珊從今年6月開始在facebook多次撰文,表達自己對「反送中」活動的睇睇法,昨晩萬聖節,她在facebook留言並轉發了警察在蘭桂坊施放催淚彈,以及屯門逸生閣有多名市民被捕的新聞。她慨嘆表示:「今(昨)晚,又失眠。輾轉反側,終做了一件最軟弱無力嘅事:逐一去看facebook friends,今時今日仲係撐警的,仲係話無人犯法警察點會要執法嘅人,不做朋友了。我應該是,今生今世都沒有餘力,與你再有共同話題,或與你同一視覺。」

梁芷珊亦有hashtag寫道:「#做朋友都係有今生無來世 #只會同正義良知做朋友 #有一個好似讀咗好多年法律老豆(竇)都係律師行partner嘅30歲律師仔 #有一個覺得自己溝死女晚晚蒲老蘭第二朝返工仲成身酒氣嘅偽CEO #有一個自稱女強人開agency幫人搵外傭的C(師)奶仔 #仲有好多 #繼續del」。直到今早她仍繼續留言:「2019年,香港無咗哈囉喂Halloween,被騎刧咗做差佬餵Chinoween。正所謂:大蝦細,俾屎餵。」

分享: