警方再以漫畫否認8.31太子站有死人 網民狂派「嬲嬲」

反對《逃犯條例》修訂爭議接近五個月,今日(31日)是「8.31太子站」事件發生兩個月,港鐵未有交出閉路電視片段,令當日是否有人死亡仍是個謎。警方今午於社交網站上載兩幅以「10.31哈囉喂 X 太子站8.31」漫畫,一指「與其亂信謠言,不如聽下一啲對831太子站傳聞嘅理性分析,其實事情就係咁簡單。祝各位嘩鬼萬聖節快樂!」仲hashtag話「已多次澄清831太子站並冇死亡個案」、「唔好輕易相信及轉載無根據嘅指控」、「別有用心嘅人唯恐天下不亂」等。至晚上9時,已吸納了逾1.2萬個「嬲嬲」。

網上圖片

故事講述一名叫心寧的專業人士於萬聖節當日放工經過太子港鐵站,有名男子向她表示「悼念831死去嘅英魂」、「向831死去嘅義士獻花」。但心寧就話「謠言止於智者」,仲話:「如果真係有人死咗,咁佢屋企人呢?朋友呢?同事呢?點解冇人出聲嘅?」最後以「一個人喺香港真係可以人間蒸發冇人知」作結。有網民幫忙解釋「捉一個,搞掂晒全家」,有網民反問:「仲要搭地鐵,又唔知無車,有幾專業呀?專業喬裝警?」

網上圖片

另外,有市民趁適逢萬聖節,發起到太子站悼念及由維多利亞公園步行到蘭桂芳。大量防暴警員到場驅趕聚集的市民。

——————————
【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享: