蔡明思@SG台灣出嫁 生B唔想有壓力

組合Super Girls(SG)成員蔡明思(Jessica)今日於台灣與拍拖六年的圈外男友陳冠廷(Steven)拉埋天窗。她大讚老公細心,由籌備婚禮到結婚都親力親為。但講到生小朋友的計劃,Jessica表示順其自然不會給自己太大壓力。

Jessica與拍拖六年的圈外男友陳冠廷拉埋天窗。
Jessica大讚老公細心,

榮升陳太的Jessica今日與台灣籍男友於台北舉行婚禮,同是SG成員趙慧珊(Aka)、吳嘉熙(Cheronna)及陳穎欣(Yanny)亦遠赴台灣出席婚宴。擔任姊妹的Cheronna和Yanny在接新娘的環節上,揀選Super Girls之前的舞蹈,要新郎及兄弟團一齊學,又要新郎做一些高難度動作及回答有關Jassica的問題,但新郎都能順利完成,二人坦言看得出新郎的誠意。Cheronna表示可以見到好姊妹着裙褂出嫁的畫面很感動,而Yanny指Jessica很愛鍚家人,當聽到Jessica與媽媽的對話時,大家都眼濕濕。她又大爆眾姊妹着上睡袍,聽着《睡衣派對》拍照,猶如另一隊Super Girls一樣。

眾姊妹着上睡袍,聽着《睡衣派對》拍照。

Jessica晚上換上一條金色低胸長裙現身晚宴,她表示很緊張但同時亦很開心:「佢哋(SG成員)全部飛晒過嚟台灣,開心到我只係瞓咗兩個鐘但我完全唔攰。但我知佢哋好攰,因頭先佢哋一放空就恰眼瞓,所以辛苦佢哋。」她指自己着起婚紗不方便,故要由三位好姊妹跑來跑去幫助她。Jessica笑言不習慣,反而想脫去婚紗幫她們。Cheronna則謂很感恩可以陪Jessica出嫁。

吳嘉熙(左)、陳穎欣(右二)及趙慧珊(右)遠赴台灣陪Jessica出嫁。

講到老公Steven,Jessica表示非常多謝她:「由籌備婚禮到結婚,一直係佢跑嚟跑去。佢今日都非常忙,幫佢哋打電話訂便當,仲要同職員講確保要熱。佢好細心,又幫我咁多,非常感謝佢。」至於可有生BB計劃,Jessica稱順其自然:「如果有嘅都會好開心,但我唔想畀壓力自己。」她又多謝所有由香港飛到台灣出席婚禮的藝人朋友。

Jessica對生B順其自然,唔想畀壓力自己。

——————————
【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享: