認簽古仔兼顧拍劇拍戲 黃浩然:想走出comfort zone

黃浩然日前被爆對無綫意興欄柵,決定轉投古天樂旗下公司,打算重返電影圈。日前黃浩然出席活動時,主動澄清自己以往一直並非無綫經理人合約,只是簽藝員合約,自己亦未打算離開無綫。他透露過去一年由太太擔任其經理人。另一方面,他亦承認早前正式與古天樂旗下的公司簽了經理人合作,他認真地澄清:「仲有藝員合約,唔好打爛我飯碗,話我做到意興闌珊,冇咁嘅事。」

黃浩然再三強調與無綫合作開心,所拍的劇集《多功能老婆》和《法證先鋒IV》亦將會播出,他亦會兼顧拍戲拍劇。他說:「我都40幾歲人,對電影仲有夢,趁仲有氣力咪簽咗古仔公司,未來希望電視電影一齊兼顧,再大啲冇咁嘅力,同古仔相識20年,感恩可以合作,我係一個怕陌生嘅人,已經喺comfort zone好耐,舊年太太幫我做經理人,沉澱咗一年,呢段時間同古仔傾成合作,大家覺得我同古仔冇乜合作,但係我哋都有溝通,透過師傅杜琪峯有定期聚會見面,所以唔陌生。」

分享: