老公送囡囡返學遇車禍 吳若希:BB嚇到喊

藝人吳若希(Jinny)昨晚到電視城錄製節目《娛樂大家》時,透露日前老公和囡囡遇到驚險事。原來其老公送囡囡上學時遇交通意外,她解釋事發經過:「老公車個女去返學,我都係聽佢講番,佢話前面架車急停,佢煞唔切撞咗上去,本身前面架車已撞人個尾,佢再撞上去,total係三車相撞。」

她更指女兒因此嚇到喊。「BB有喊,都有嚇親,但好彩兩個都冇大礙,我聽到佢個電話都嚇親,但最緊要係人冇事,個女都冇返學,好彩冇事,錢財身外物,人冇咗就冇咗。」吳若希指事發後,自己立即坐的士去找他們,她笑言老公可能想換車才發生意外,目前正物色家庭車。

分享: