知唔知咩係自衛?陳惠源律師講你知邊個先係「真 ‧ 犯法」

昨日商業電台叱咤903的一個訪問節目「903獨立調查委員會——從動口到動武(第六集)」請來了陳惠源律師跟大家分享何謂「自衛」。

主持人一開始向陳惠源律師提出一條問題:「警察打你,你係可以自衛喎,呢個係咪真?」
陳惠源律師:「警察打我可以自衛,準確啲嘅講法係警察及任何人打我,我應該自衛。」你話比我聽你係差人,跟住就行埋嚟佢就打我,我咩事都唔係,其實佢犯法喎,差人都會犯法啦。」

示威者被制服

反抗係咪犯法,咁你就要睇當刻究竟佢係宣稱咗佢係差人,令到你合理地相信佢係差人未,因為今時今日我地見到好多著制服嘅,孔武有力嘅人士,佢地有制服,佢地蒙面,佢地無冧巴係膊頭,亦都無任何識別,而唔係著制服嘅警務人員,係執行警務之前必須要出示佢個委任證,去證明佢既身份吖嘛,佢地係咪真係警察,其實呢一個當然係一個問號,我希望嚟緊法庭會好好地處理呢個問題啦。

示威者被制服後仍然受到虐打。

如果我地係自衛嘅,個論個個係差人,定係藍絲,定係黑社會,我地要自衛,我地個標準基本上係一樣,首先個情況係如果差人同你有肢體上有接觸,佢係咪仲會比空間你同佢講話其實你同佢角力,你係自衛呢?唔係喎,係地鐵站,唔係跑,一個十幾歲好瘦嘅後生仔嚟嘅,不過佢六七個行埋嚟蒙晒面,係咁亂棍打我成個頭流晒血,而果陣時我係度struggle(爭扎)唔好打,唔好打,本能反應地郁,其實呢個並不存在於襲警,呢個絕對係一個自衛,其實都自衛唔到,好嘞我地要面對一樣嘢,如果差人話,佢當其時對我所謂嚟打,係制服我嘅過程,我地上到法庭,就好似貓追住老鼠條尾咁,佢係咁打我咪要反抗囉,差人就會話:「我叫咗你停手你就要停手,我停咗手之後,差人再打就係犯法。」

陳惠源律師(商業電台facebook 截圖)

我希望大家去了解,法律唔係法治,法治亦都唔係守法,我好反感當權者不斷去欺騙所有人,話香港人示威者破壞法治……只有當權者先有能力破壞法治,而法治並唔係單單叫無權者去守法,我好想借用蕭叔叔Uncle Siu(蕭叔叔英式英文學會 Uncle Siu’s British English Club)一個演繹法治,法治係「法約公權」,用法律去約制有公權力嘅人。而事實上,當揸住公權力畀佢武器嘅人,去肆意毆打別人,選擇性地欺壓某一方嘅人,選擇性地放生其他陣營嘅人,呢個先係破壞法治。我好希望提醒年輕人,同行者,了解法治係乜嘢,唔好再受當權者嘅蒙騙」

——————————
【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享: