【有片】陳百祥撐警論:如果我係警務署處長兩個月前開咗真槍!

網上流傳一段有關於藝人陳百祥,於一個疑似警員聚會的活動中,發表其支持警方執法的言論,當中不乏支持警方開真以作槍止暴制亂的言論。揚言警方是香港的最後一道防線,而其他政府部門似乎「幫唔到手」,唯有警隊最正義同最識講道理。

此影片被網民瘋狂轉發,短短幾小時便有過千個回應。以下為節錄部分其撐警的言論。

網上截圖

「…….最後個條防線就係你地,成個香港你地睇住喎而家,我唔知政府而家其他部門點睇,我就覺得好似淨返警察,是唯一最正義同埋最識道理,其他嘅部門都好似幫唔到你地手咁,我地啲普通市民就真係,係個心度支持你,同埋我就一早就想行出嚟,好想撐你地,但我超咗齡,輔警都做唔到……我1968年考差人,我諗我一定大過晒你地呢度咁多人,因為我登緊七.我今年69喇……我教出嚟啲足球員係教你地啲教練……最緊要個心知道大家……個心知道辛苦晒……百分百支持你地。同埋我覺得你地好偉大,啲人唔單止搞你地,搞埋你屋企人,呢啲係完全我係香港咁耐,我係香港出世,果47年英籍時代我都未見過,到回歸呢20年,更加未見過。我係諗都諗唔到香港會係咁,當然係好多嘢出現咗問題、教育出咗問題、成個社會出咗問題喇,咁但係都無辦法㗎,就靠你地守最後呢條防線;希望你地繼續,希望你地唔使繼續,但係都無辦法,暫時都係要繼續,不過我覺得係近尾聲,大家再頂埋呢10日8日,因為習近平過咗國慶比較得閒,呢個係好公道嘅,因為佢地成日話解放軍,無可能係解放軍,解放軍係對外敵嘅,就算佢地係國內都係,軍隊係向外敵嘅,佢地所謂嘅公安就即係你地嘅警察就係向內嘅,內部嘅,我地香港內部嘅事情,一定係內部解決,個問題係,幾時解決啫,如果我係警務處長就好喇,兩個月前已經開咗真槍喇,所以就好快解決,不過你地仲係好忍得,因為掟完汽油彈都仲唔開真槍嘅,真係好忍得,無辦法,辛苦晒,辛苦晒大家」

—————————–

【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟

—————————–

分享: