提愛女笑到蓮子蓉 吳若希:想食咗佢落肚

吳若希今日到電台宣傳新歌《每段愛還是錯》,提到囡囡淼淼,吳若希不禁甜笑:「佢而家兩歲半,開始返學,我做完訪問都趕住去接佢放學。」她表示每日都盡量親自接放學:「最鍾意見到佢跑出嚟嗌『媽咪』,跟住攬住我,真係好想食咗佢落肚,又成日想聞佢啲手仔、腳仔。」問到女兒可有要求要弟弟妹妹?吳若希指淼淼未有提出:「佢未識,不過好鍾意同其他小朋友玩,最鍾意Bob(林盛斌)個細女。如果佢第時想要細佬妹,我都可以呀,都有計劃,不過等佢小學先。」她笑指最想為淼淼「生」個哥哥,因此會考慮領養。

吳若希提愛女就笑到蓮子蓉,至於問到她和老公Alex日前結婚兩周年紀念日如何慶祝時,她直言冇特別慶祝:「因為太攰,有小朋友之後,兩個人嘅時間都少,所以可以兩個人已經當慶祝咗,都係去拍拖睇戲。我哋唔興送禮物架喇,叫佢俾Cash好過啦。」

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟