【第二個18歲】鄧麗欣生日開粉絲派對 男友未有表示

鄧麗欣(Stephy)今日(15日)正日生日,歌迷日前為她提早慶祝生日。她表示男因工作未能陪她,但對於被粉絲催婚,Stephy笑言已習慣咗,會當聽唔到。

鄧麗欣慶祝「第二個18歲生日」。

Stephy今日36歲生日,歌迷會一班粉絲日前為她舉行生日會,為偶像慶祝「第二個18歲生日」。粉絲們除了送上親手炮製的生日蛋糕外,更與壽星女大玩「估歌仔」、「歌詞接龍」等集體遊戲,不少忠實歌迷擁有驚人記憶力,對Stephy的多首金曲倒背如流,令她驚訝不已。

Stephy 與粉絲玩遊戲。

Stephy表示以往都會跟家人朋友一起度過,已有多年未有與粉絲一起慶祝,故今年選擇同粉絲一齊預祝生日。被問到生日願望,她表示我年年生日願望都好簡單,就是希望世界和平、身邊人能夠健康快樂:「健康同開心永遠都係無價,呢個願望永遠都會伴隨我左右,好似今日咁見到大家玩得咁開心我已經好滿足。」她謂可以與一班親愛的粉絲度過自己第二個18歲生日,見住大家一齊成長多一歲是好開心。

Stephy今年與粉絲一同慶祝生日。

至於男友邱勝翊(王子)會否陪她度過生日,Stephy扁嘴笑言:「冇啦,今年佢要做嘢,我唔知佢係咪講大話啦?哈哈,應該唔係嘅,佢真係去咗第二到做嘢,冇所謂啦。」到了溫馨的傾心事環節時,歌迷們關心她的工作近況之外,更為她的人生大事着急,乘勢追問她與男友的婚期,令壽星女哭笑不得。對於被粉絲連番催婚,Stephy笑說:「我懷疑佢哋係臥底嚟,今日好多粉絲都無端端好官腔咁問我幾時結婚?我已經飽歷風霜,呢個問題已經畀人問咗十年,我已習慣咗,所以當聽唔到,哈哈。」

鄧麗欣今曰36歲生日。
邱勝翊(網上圖片)

此外,Stephy透露生日當日通常會進行生日特「瞓」,閉關一天:「暫時未有安排,通常前一日慶祝,玩完通宵後正日就瞓教,休息一日。」

Stephy表示今日會進行特「瞓」。

——————————
【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享: