歐陽巧瑩自爆肥21磅 老公林師傑:你點我都愛你

近期歐陽巧瑩在《金宵大廈》的亮眼演出成功入屋,去年她與林師傑結婚,昨晚林師傑在IG上載和老婆的咀嘴婚照,並留言說:「呢期壓力好大,哈哈瘦咗21磅,兩個人一條命。我哋一定過到。我愛你。」歐陽巧瑩則甜蜜回覆老公說:「我肥咗21磅。」師傑則冧爆秒覆說:「你點我都愛你」。

有網民就叫師傑教老婆點減巴,他亦有留言回覆網民說:「好難㗎喎,同做歌手一樣,唔係你想,你肯做就得㗎!」事後歐陽巧瑩亦晒出二人甜蜜照,並留言:「為屋企印啲新相出嚟掛!有好多婚照都冇Post過,結完婚亦都冇特登睇返,睇返先知我老公戴咗眼鏡真係靚仔好多。」

分享: