母女齊愛Hermès? 陳茵媺爆囡囡偷手袋

陳茵媺笑言唔知囡囡學邊個,其實答案呼之欲出啦!(取自陳茵媺IG圖片)

陳茵媺自從做了豪嫂後,除了對老公愛得癡纏外,對愛牌Hermès同樣愛得死心塌地。無論開工、放假、湊仔都袋不離身,更經常換款換色,粗略估計其珍藏起碼10隻手指加10隻腳趾都數唔晒。

而雙陳3歲囡囡Camilla原來和媽咪一樣,同樣咁貪靚,日前陳茵媺上載囡囡穿上印有茉莉公主的紗裙,Camilla更擺出選美佳麗最興擺的丁字腳,但重點就是她拿着的手袋和鞋,除了是粉紅色襯到絕,而且同樣是名牌,陳茵媺還大爆Camilla偷了她的手袋,因為囡囡說和她的鞋很襯,粉紅色配粉紅色,金扣帶配金扣帶,之後還獨自一人擺甫士,再主動叫影相!果然是有其母必有其女?不過茵媺就話唔知囡囡學邊個囉!

分享: