二百人聚集香港知專設計學院 要求校方交代浮屍少女失蹤一事

15歲少女陳彥霖昨日被發現浮屍於香港海面,由於她生前就讀調景嶺香港知專設計學院(HKDI),有學生向校方查詢陳失蹤一事,但校方未有交代,故今日(11日)晚上會於校內的設計大道宣讀聲明,並呼籲支持者到場。晚上7時許已有200多人聚集默站。

致全港市民:

我哋係一群嚟自HKDI嘅學生,現正就15歲陳彥霖同學曾參與多個合法集會後,失蹤到死亡,並確認起魔鬼山附近海域上發現的浮屍證實為陳彥霖同學一案作出聲明。

相信於10月10日,大家都渡過左一個悲傷嘅晚上。各位有留意依件事嘅人都知道陳同學的自殺案疑點重重。

喺10月11日較早的時間,有同學已經就陳同學事件與校方有初步嘅了解。陳同學於9月19日下午二時於美孚地鐵站同友人分開後一段時間後就失去聯絡,而屍首於三日後(9月22日)在油塘海域發現,警方喺9月27日先聯絡學校證實該校有同學過身。在陳同學失蹤8日其間,在同學嘅閑(閒)談中都已經知道陳同學由9月19號開始已經失去聯絡。對於校方的處理方法,我地作出一個疑問,點解一個未成年嘅少女冇返學8日校方冇就該事件作出任何跟進?我哋亦都曾經同過陳同學嘅朋友交談過,佢哋都一致向我哋表述陳同學生前係一個熱愛生命好開朗嘅一個女仔,係失蹤前係完全冇任何異樣。

警方今天於記者會上稱陳同學於9月19號晚將個人財物放在校園內之後赤腳往海濱方向行走後自殺。有鑒於香港鐵路的太子港鐵站於8月31日發生咗一件非常嚴重事故,港鐵身為一個服務香港市民的大型機構及政府作為港鐵最大嘅股東。到現今都未能提交CCTV出來,同廣大市民作出交代,令大部份市民對港鐵失去信心。我們多間學院的學生非常害怕同類事件會發生起我地自身和其他同學身上。

因此我們要求校方交出以下幾樣證物,以作證據去證實警方於記者會講述陳同學於海濱自殺經過:

(1)陳同學於失蹤當日(9月19日)的閉路電視(CCTV),記錄陳同學由何位置及時間,往回學校及交低財物、並且是否有清晰拍攝到陳同學是赤腳方式往海濱方向行走

(2)要求校方交代陳同學的失物,是由哪一位(途人,學生或職員)人士執拾,以及在何位置執拾交還俾校方

我們在此要求校方,於星期一12:30前可以回覆我們上述的訴求,並清楚交代事件詳細資訊及回應校方處理手法的問題。

並且,懇請各位街坊於星期一早上8:30可以到HKDI設計大道一同聲援,務必要還陳同學一個清白。

——————————
【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享: