離開無綫接首個司儀騷 林子博透露工作排到農曆年

剛離開無綫的林子博,今日出席生化危機驚慄體驗館開幕禮,嘉賓則有關智斌(Kenny)。今次是子博離開無綫後首個司儀工作,他感激各界支持和伸出援手。

他說:「真係多咗好多人搵我做嘢,亦有好多人幫助,噚日我大廈嘅業主立案法團主席,平時成日見佢鬧人,但都有感性一面,佢畀咗張5位數字嘅支票我,叫我寫返個名,佢睇住我一對小朋友長大,大家成日打招呼,佢好有心,同我講係小小心意,而我行街經過啲舖頭,唔識嘅老闆都會叫我加油,仲話低潮一定會過。古生(古天樂)都有親自打電話畀我,佢問我劇組有冇搵,其實ViuTV嘅《地產仔》導演搵咗我,仲畀咗兩個角色叫我揀,我同佢講導演覺得邊個適合我就拍邊個。」他透露現時工作已排到農曆新年,深切體會到人間有情。

分享: