上次上山今次下海 泳兒為MV狂飲鹹水

泳兒演唱會即將舉行,日前其新歌《花心》MV上架,她表示新歌透視人性內心深處:「每個人心深處都會有一啲渴望、貪心或者花心嘅念頭,心裏面有啲嘢好想做又唔敢做;又想做呢樣、又想做嗰樣,我覺得『花心』係人嘅本性,冇對或錯。」

新歌MV取景東龍島,而這裡對泳兒來說印象深刻,她說:「嚟緊演唱會嘅poster就係喺東龍島影。我仲記得上次成34度,有工作人員中暑、有啲熱到扯爛自己條褲散熱。」上次攀山,這次則要下海玩濕身,她說:「啲浪一沖過嚟,有一吓大家都『嘩』咗一聲!成個浪冚住咗我塊面,都飲咗幾次海水。」

分享: