【禁蒙面法】周潤發戴黑口罩被「捕獲」 被封「蒙面發」

反對《逃犯條例》修訂的抗爭運動愈演愈烈,令林鄭月娥昨日(4日)在爭議聲中宣布設立《禁蒙面法》。不過不時以一身全黑打扮行街的周潤發,再被市民野生捕獲。由於網民將照片於林鄭月娥舉行記者會前,上載到社交網站,故搞笑地封戴着黑色口罩的發哥為「蒙面發」。

網上圖片

此外,不少圈中藝人就《禁蒙面法》表態,杜汶澤在政府宣布立法前,在個人社交網站上表示:「其實大家對『禁蒙面法』真係唔需要反應太過大,我個人覺得純屬搞笑。你諗吓,如果二百萬人帶口罩上街,咁就算有呢條法案又點呢?如果警方認為係一場非法集結,即時拉你,咁你蒙唔蒙面又有咩分別呢?好嘞,笑點到嘞,你話事後去拉你,咁你都蒙咗面啦!咁又點知拉邊個得㗎大佬!你估個X個好似黎明咁易認咩?玩少我一陣啦好嘛⋯⋯ 立咗法,點執法先得㗎。所以其實呢條法例,最大影響嘅應該啲大明星同埋啲成日咳嘅人,以後出街就好麻煩。好彩我兩樣都唔係。有人舉例話加拿大有『禁蒙面法』,咁加拿大一人一票選總理,你香港係咪一人一票選特首吖?」不過當政府正式宣布立法後,他上載戴上口罩照片,並反留言問:「認得我嗎?」

杜汶澤Facebook圖片

而日前被控於7月1日非法進入或逗留在立法會會議廳範圍的王宗堯上載蝙蝠俠的面具照,並寫上蝙蝠俠的名句︰「It’s not who I am underneath, but what I do that defines me.(我在面具底下是誰並不重要,我的所作所為才是關鍵)。」

王宗堯Facebook圖片

——————————
【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享: