【禁蒙面法】何韻詩籲罷交稅  梁芷珊爆Seed:只許州官蒙面

反對《逃犯條例》修訂示威持續,林鄭月娥昨日(4日)宣「禁蒙面法」今日(5日)生效。有藝人對新惡法不滿,何韻詩呼籲全民罷交稅,梁芷珊則斥「只許州官蒙面,不許百姓戴罩」。

何韻詩(資料圖片)

何韻詩於社交網站表示:「到底點解我地仲要交稅?養呢班冷血無能嘅政府官員?!養呢班殺紅眼嘅香港警隊?!全民罷交稅!!!香港人要團結!!!」

何韻詩Facebook圖片

至於梁芷珊則代身「珊吹老師」 ,於社交網站揚言「要潑婦罵街」,叫大家不用勸她冷靜,她直斥林鄭月娥「八婆」、「好就女人,唔好就累人」,她說:「你(林鄭月娥)一日喺度添煩添亂,搞到全部人癲晒,成個宇宙震晒,你有病呀!你知唔知你嘅病徵係咩呀?係更年期綜合症候群延遲醫治導致心理失衡,強迫症加操控狂發作!更年期綜合症候群明顯心理變化症狀包括:焦慮、失憶、心情抑鬱、易怒、心情擺盪,性情大變,呢啲女人嘢,好心你自己理掂佢啦!修身齊家先至可以治國平天下呀!」

梁芷珊Facebook圖片

對於政府多月來無視示威者多項訴求,梁芷珊續斥林鄭月娥「唔去好好去正視一切」由她與其下屬而產生的所有問題:「幾百萬人同你講過㗎嘞,你無聽,而(依)家仲將你既(嘅)嚴重操控狂擺落全香港人度,你哋行嘅呢條路,完全同全世界嘅步伐相違背!你喺度強迫緊全香港人跟你『人衰行路打倒褪(退)呀』!其實,最變態係人人唔准戴,但你啲𡃁又准戴。」她又借古諷今:「呢啲叫做:『只許州官蒙面,不准百姓戴罩。』」

——————————
【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

分享: