感激四方八面支持 林子博:人間有情


林子博在IG多謝大家支持外,亦列舉自己的擅長的範疇,還搞笑說食炭飲滾油都冇問題。(取自林子博IG圖片)

效力無綫11年的藝人林子博,早前被通知不獲續約。由於身為家庭經濟支柱,加上太太患癌需要接受治療,這隻「無情雞」對於他來說,無疑是雙重打擊,而經濟問題同樣困擾着他一家。幸消息傳出後,子博獲得多方面的支援送暖,日前他在社交網發文道謝和說感受,表示:「最近有關TVB唔再同我續約嘅消息,令好多關心我嘅人都好擔心~我嚟緊嘅日子點樣去照顧在學嘅子女及接受治療中嘅太太?大家放心喎~我一定撐得住!呢段時間唔單止身邊好友~就連藝人朋友、傳媒行家、粉絲、市民甚至網民,即使送上一句『加油』為我打氣,我都深深感受到『人間有情』。大家嘅支持,小弟銘記於心。廣告時間:歡迎各位搵我開工呀!」

他還列出多項工種適合自己,包括節目主持、活動司儀、配音、電影、電視劇、唱歌、舞台劇,仲搞笑話可以食炭、飲滾油、瞓釘床、心口碎大石,咁多技能唔怕冇工開啦!

分享: