着衫心得全靠老公一句話 朱茵:相信他眼光

「性感女神」朱茵近日受邀出席巴黎時裝周,今次已是朱茵第三次受邀參加時裝周,但她心情仍然興奮,「我覺得出席時裝周最好玩嘅地方,就係可以嘗試平日較少接觸嘅衣著打扮,同時以朝聖嘅心態,吸收最新時尚資訊。喺巴黎短短幾日,見到當地人喺穿搭上充滿自信,呢方面好值得我哋借鏡,每個人都應該具備自信。」

貴為女神級代表,朱茵除了對於時尚甚有心得,更尤其注重養生。至於她的時尚顧問,原來是最親密的枕邊人黃貫中(Paul):「平日經常同老公交流時尚心得,我最鍾意問佢意見,佢一話顯肥,我就唔會買;如果佢話靚,我就一定會買,始終佢曾經攞過『十大衣著人士』,同埋佢係一個唯美主義者,所以我絕對相信佢嘅眼光,呢一種時尚交流,都係兩公婆嘅情趣,哈哈。」

朱茵完騷後只會逗留一天便怱怱回港,「留一日已經夠奢侈,自己都歸心似箭,因為囡囡依家讀小學,好多嘢要兼顧,媽媽嘅支持係好重要,我返到香港第二日就要參加阿女嘅學校活動,所以都要趕返去喇,同埋我真係好掛住佢哋!」

分享: