古仔迫跳海 張繼聰連飲幾啖「有味」水

由爾冬陞監製,古天樂、張繼聰、宣萱、顏卓靈領銜主演的新戲《犯罪現場》,將於本月尾上映。戲中飾演匪徒的古天樂,在戲中窮凶極惡,更迫張繼聰跳入浮滿糞便的海中,不過阿聰沒半句怨言,就跳入海中。拍攝期間更喝了不少又咸又濁的海水,但上水後他一臉正經地說:「我今日征服咗呢一帶嘅海域,完全係浸淫同擁抱呢個大自然嘅質感裏面。」

阿聰笑言要感謝導演在炎炎夏日為自己安排了一場透心涼的落水戲,並表示:「每個出色嘅演員都有演過跳海戲,所以我算係完成咗個心願!」面對和偶像古天樂演對手戲,張繼聰流露出幸福的神情,笑說:「可以近距離欣賞到古天樂喺快艇上嘅英姿,令到我有一刻真係開心到想跳舞,雖然係佢逼我跳落去,不過我冇嬲佢。」鬼馬的阿聰浸在海水期間搞笑地跳韻律泳,哄得在場劇組人員大笑。

而古仔本來都有關心阿聰跳海時的安危,但回憶起當時拍攝情況卻忍不住失笑:「一開始始終都會擔心嘅,點知佢一跳落去可以企喺到,原來嗰到好淺水,佢大半個身喺水面。」

分享: