謝賢幫馮寶寶重拾青春

謝賢(四哥)、馮寶寶(Bobo)、林雪等日前拍攝新片,四哥與Bobo姐再次聚頭,四哥稱有如時光倒流,期望有新火花之餘,亦笑言:「等我帶佢攞番啲青春。」

謝賢笑言要幫馮寶寶攞番青春。

林家棟監製的新片《殺出個黃昏》日前於油麻地一懷舊歌廳拍攝,期間吸引不少途人圍觀。謝賢近年演出多以客串為主,今次以男主角身份再次披甲上陣。他笑言拍戲多:「拍戲就多,同咁多𡃁仔拍都係第一次,家棟又話要我變,又唔畀我側起個頭,咪睇佢有咩把炮囉!今次同阿雪演對手戲,叫佢放我一馬啦!」談到跟老友馮寶寶再聚頭,四哥笑指猶如時光倒流:「Bobo喺我眼中永遠係一個小妹妹。雖然係舊拍檔,但係我期望有新火花,等我帶佢攞番啲青春。」四哥更表示今次另一任務就是帶領新人。

謝賢祈求拍攝順利。

而久未露面的馮寶寶,首日開工拍攝已經遇上片中「耆英天使」出動的場面,三人見面即來個熱情擁抱,更不時互相鼓勵一吓,BoBo姐表示:「我聽到係同四哥合作,咪喺馬來西亞即刻飛番嚟囉,佢真係似我大哥哥㗎,同四哥真係相逢恨晚。」而一向貪玩的林雪於片場表現輕鬆,笑指自己都是跟四哥同Bobo姐學習,今次好難得有條感情線,希望給觀眾看看「大叔的浪漫」。

林雪指自己今次是跟謝賢及馮寶寶學習。

除了融洽相處的場口,同樣也要拍三人壓力爆煲的場口,監製林家棟坦言甚具壓力:「今次每個角色背後都有自己嘅包伏,佢哋面對嘅挑戰好大,所以都要慢慢調整。幸好今次四哥、Bobo姐同阿雪,好有突破,好主動提出想法,我覺得係新人學嘢嘅好機會。」

眾人誠心上香。

——————————
【#有禮送】下載 @ 流動新聞 📱手機APP!玩遊戲
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟
—————————–

 

分享: