企男友身邊壓力大 鄧麗欣:佢食極唔肥

鄧麗欣繼早前出席紐約時裝周後,近日又再獲邀亮相巴黎時裝周,以往為了參加時裝周可以穿靚靚晚裝,Stephy事前都會刻意減肥,務求以最佳狀態示人,現時自信滿滿的她,就對自己面頰感到最滿意。「初初出道做model時,覺得上鏡塊面好肥、腰、身全部都不滿意,於是進行地獄式減肥,跟Sammi(鄭秀文)飲食餐單去減,那段時候食好少,同學放lunch大魚大肉,我就食梳打餅加隻蛋,後來發覺這樣是不行,個人會好攰同唔開心,最終都係放棄了。」

Stephy近日身形消瘦了,但原來她在男友王子邱勝翊面前依然感到壓力很大,她甜絲絲表示:「我企喺佢身邊好大壓力,佢又瘦、皮膚又好。我反而有叫佢增肥,經常叫佢食多啲嘢,不過他天生唔鍾意食,就算食亦食極唔肥,現在算係俾我感染咗食多咗啦!」

而此行Stephy更跟全球逾200位時尚名人一同參加國際名模Kate Moss的派對,難怪Stephy興奮稱:「一直很期待見Kate Moss,覺得佢好型,可以目睹國際名模風采,真是很難得。見過她真人後,跟想像中沒有太大分別,覺得她很有氣質很吸引,只是遺憾未能合照!」

分享: