陳庭欣冇面俾狠打男友 楊振源:會更愛佢

陳庭欣(Toby)日前以代言人身份,出席男友楊振源(Benny)與友人合資千二萬開設的一站式健身中心的開幕禮,Toby為男友生意搏到盡,開幕當日僅穿bra top上陣,與男友即席示範boxing動作。Toby打得鬼死咁肉緊,絕對冇留手,當司儀區永權問Benny俾女友打後有咩感覺時?他竟說:「俾佢打完之後會更愛佢。」嘩真係肉麻死人。

事後Toby與Benny兩口子一齊接受訪問,Toby強調有收酬勞做代言人,也並非股東或老闆娘,男友聞言即說:「我的錢就是你的錢啊!」但Toby回應:「但我的錢只是我的。」公開打情罵俏。問二人可有結婚計劃?Benny盡男士風度爭住說:「計劃中,有好消息一定分享。」此時Toby又搞笑說:「但佢嘅計劃未必係我的計劃。」

分享: