家有肥妹仔 城城笑幼女十足米芝蓮

郭富城兩年前娶內地網紅方媛,婚後二人火速造人並兩年抱兩,長女Chantelle已經兩歲,至於細女Charlotte亦已經5個月大,日前有網民影到城城帶同BB和老婆領取出生證明,日前城城出席活動時就解釋自己作為一家之主,有時間便會親自帶小孩辦理手續。但他過了42天才辧理,坦言要交額外費用:「都係幾百蚊,罰係要罰,但就唔係唔記得先急住去辦理。」

城城當了爸爸後多了活躍社交平台,間中會跟網民分享生活上的所見所聞,活動中他提議旅行減壓。已榮升兩女之父的他表示自己不用工作時,特別喜歡黐家,將來出外工作,也希望可帶同家人同行。城城透露現時已5個月大的細女二寶則未試過旅行,他提起女兒即甜笑自爆:「佢宜家識翻身,眼仔睩睩,而且係肥妹一名,不過小朋友肥係好事,我二寶嘅小腿十足米芝蓮一樣,好想咬肥腿一口,但想咬當然唔係真係要咬啦,佢真係好得意。」城城說時眉飛色舞,愛女之情洋溢。他亦透露大女也很疼錫妹妹,經常錫妹妹額頭。

分享: