新戲演悍匪 古天樂靚仔一秒變大叔

由古天樂(古仔)、宣萱、顏卓靈、姜皓文和李璨琛等主演的電影《犯罪現場》即將上映,戲中古仔飾演悍匪首領,率一眾匪徒打劫珠寶店後受警方重重包圍,兩邊爆發激烈槍戰,場面緊張。另外,片中有不少爆破大場面,除了大街大型追逐戲外,又有槍戰及爆炸連場,十分驚險刺激。而古仔為避開追捕,更留鬚變裝,靚仔一秒變大叔。

古仔說:「我哋拍戲經常都要借個廠景,好少懸疑警匪片喺香港鬧市取景,但今次我們真係租咗個舖位,實境搭咗一間珠寶店出來,感覺好真實,震撼性好大!」至於講到這部電影的拍攝上難處,古仔就話:「拍攝珠寶行要爭取時間,因為涉及街燈,晚上12點過後,街燈同霓紅燈都會熄咗,另外好多景要封街拍攝,啲街坊聽到好多槍聲,最初都有引起佢哋恐慌,不過最後當然大家都知只係拍戲啦。」

分享: