男友外遇望及早發現 連詩雅願與男友一同跨過

(資料圖片)

歌手連詩雅(Shiga)與陳嘉莉(Kelly)早前因拍攝網劇《性敢中環》成為好姊妹。近日有傳媒問到,面對假設男友出軌問題,Shiga情願知道真相,與男友一齊跨過感情缺口;Kelly笑言第六感最強,可感應「小三」氣場,絕對不容向男友埋身。

近年女仔間交心叫「閨蜜」,講心事、講男仔經、但正所謂最親最信賴的朋友,往往最難防,聽過不少閨蜜變「小三」。Shiga與Kelly幸好未遇過被閨蜜「背叛」,Kelly自言第六感最厲害:「我會Feel到!加上揀朋友好謹慎,唔係輕易同人交心。」若然目擊好友的男友出軌,可會踢爆?她覺得先衡量情況:「如果佢好鍾意個男仔,就算講咗件事,佢都會原諒個男仔。」Shiga則代入女方角度:「以前我比較天真情願唔知,到人大咗就寧願知真相!如果係咁我會揀早啲知,再去選擇接唔接受,如果接受到,就一齊睇吓能唔能夠捱過呢關。」

分享: