大肚現身慈善活動 梁靖琪有左右護法傍實

剛承認懷孕的梁靖琪(Toby),日前與老公施雋賢及好友鍾麗淇、吳佩慈及蔣怡等人到中環出席慈善活動,當日陀着B首次出席公開活動的Toby,身穿紅色晚裝及3吋高踭鞋赴宴,老公與好姊妹鍾麗淇即緊張大師上身,做「左右護法」陪着Toby跟出跟入。Toby表示:「我老公非常煩,由我開始話要着高踭鞋之後,佢就上網睇孕婦幾時唔可以着高踭鞋,仲不斷叫我快啲買過對鞋,所以今晚我行去邊,佢就會跟我去邊,哈哈。」

雖然首次懷孕,要事事小心,不過Toby兩老公對於做善事卻不遺餘力。她說:「今次係女律師協會搞嘅慈善晚宴,希望可以籌多啲錢幫到更多小朋友。」她又指自己即將榮升媽咪,特別關注小朋友的教育。她說:「現在習慣每個星期會同老公去教會,每晚都會祈禱,希望BB聽多啲我哋講嘢,帶佢做多啲慈善工作。今年因為要留喺香港安胎去唔到柬埔寨做探訪,不過已報名明年再去,未知到時會唔會帶到小朋友去做義工呢?」

至於同樣為慈善出心出力的鍾麗淇,自稱客串做了Toby一晚助手。她說:「有得做慈善,食飯之餘,又可以做佢個助手,扶一扶佢隻手,等佢行得輕鬆一啲。」已是兩女之母的她表示已與Toby趁機交流照顧BB心得。

分享: