17年後再同古仔合作 宣萱遭撼埋牆整傷頸

古天樂與宣萱繼電視劇《尋秦記》後,相隔17年於新戲《犯罪現場》再度合作,電影下月底上映。多年沒有交手,二人再次合作,便有激烈打鬥,戲中古仔對宣萱痛下殺手,不單從後用風褸冚著她的頭,險令她窒息,還用力撼她到牆邊,結果不慎弄傷宣萱的頸,好彩傷勢無大礙,事後宣萱笑說:「我唔會怪佢,Ok嘅!佢會『萬歲』啦!」

宣萱受傷後,古仔亦大為緊張,着她去敷冰,而宣萱亦聽話在拍攝後立刻坐下來用冰毛巾敷頸。她笑說:「其實拍之前我驚咗好耐!因為我太了解佢(古仔),好驚呀!同佢拍打戲。」原本該場戲有為她準備替身,不過宣萱要求親自做,她表示:「導演同古仔建議我不如自己做啦!我都覺得咁樣效果會好啲,一個鏡直落會流暢一些。」但拍攝途中,她聽到自己條頸發出「啪」了一聲時,已心知不妙,但依然堅持下去。她笑說:「反正都『啪』了一聲,所以一定要撐落去,完成呢場戲,都叫做犧牲得值得嘛!本身兩個禮拜前我都約了要做正骨,現在古仔幫我啪歪咗,再去整好,咁樣好似抵啲。」

至於古仔則坦言拍攝時過於肉緊,結果弄傷對手,他大讚宣萱專業:「我有同佢講一覺唔妥就要嗌cut!但佢全程都冇嗌cut,因為大力整傷條頸會好痛,但佢仍堅持忍著演落去,係好驚喜。」

分享: