被爆搭上男友有錢friend 江嘉敏公開X先生身份還擊

出道以來緋聞多多的無綫新紮小花江嘉敏,今日被傳媒爆出疑搭上男友Anthony的有錢拍檔X先生,二人之間的曖昧短訊亦因此曝光。報道指X先生最初當江嘉敏是「阿嫂」看,但由於女方熱情又主動,最終被女方融化,二人更瞞着Anthony到日本旅行。女方又被指叫X先生打本50萬給她開琴行。

其實早前江嘉敏已在IG留言指有人會中傷她和男友感情,但實情是她與男友關係非常好,希望不要有人惡言中傷,侮辱她人格。當今日報道出街後,江嘉敏即在IG出PO還擊說:「你點搞我同我男朋友呢,都唔會有任何影響嘅,不過呢,你係都要冇嘢搵嘢玩,搞下我屋企,又搞下我工作呢,我就真係會嬲喇!我同男朋友都預咗呢一日,你會cap頭cap尾,又話我溝你又話我呃你錢!夠膽就唔好cap頭尾,畀全部嘢人哋睇嘛!仲要夠膽做,唔夠膽面對!嗱嗱聲block晒我同男朋友!其實都知你咩事嚟喇!」最後江嘉敏更爆了X先生的身份:「X咩先生呀扮神秘?王仁灝先生!成日都話想出名,好啦,如你所願喇!」更公開其IG帳號。

分享: