大派自製月餅 湯怡初戀皆因中秋起

臨近中秋,英皇旗下藝人湯怡每年習慣在中秋節,向好友同事送出自家製月餅。由於月餅不能存放太久,因此只能夠於中秋節前幾天開始製作,湯怡近日便犧牲睡覺時間,捱更抵夜趕製月餅,十分有心。她希望同事朋友收到月餅,能感受到她的心意。不過這次她製作月餅時不小心被焗爐燙傷,所以今年的月餅可謂有血有淚。

提到難忘的中秋節,湯怡説最記得小時候會在屋企樓下玩蠟燭,「有一年家姐個好朋友帶咗細佬落嚟一齊玩。升中一之後,大家坐隔籬仲相認返,曾經展開過一段puppy love。」而對烹飪有濃厚興趣的她,從小到大都有跟媽咪學煮食,她說:「早幾年開始都有報讀課程,學整唔同款式嘅月餅,所以每年都整三四款唔同口味畀大家試吓,中秋節見到大家食得開心又可以同屋企人分享,我都好滿足。」

分享:
【#有禮送】下載 @ 流動新聞 📱手機APP!玩遊戲
💌送你《祟光》現金券
💌送你《鴻福堂》現金券
💌送你《百佳》現金券
🍺送你德國手工啤
👉👉一玩即知中咩獎!🤟