無懼被抹黑 港姐冠軍黃嘉雯獲老外帥男友支持

所謂:人紅事非多。應屆出爐港姐冠軍黃嘉雯以大熱姿態獲一眾星級評判投選,這邊廂把后冠戴上頭,那邊廂卻被爆曾介入靚仔牙醫的戀情,硬撬人男友。黃嘉雯今日(9日)出席港姐得獎活動時大方回應,她說:「我同佢拍拖前,佢話佢係單身,我先會同佢一齊。發生咩事我就唔係好清楚,我絶對唔會做第三者,如果我知道佢有女朋友,我絶對唔會介入。(會唔會覺得被騙感情?)咁你要問佢本人喇!真相只有佢先知,當時因為佢太忙,冇乜時間相處,所以我就覺得唔係好啱,就分開咗。我同佢拍咗好短時間,大概一、兩個月左右。」

總會過去的,現在黃嘉雯已有外籍型仔男友Matej,據知二人拍拖一年多,感情已穩定,港姐決賽當晚,男友Matej也在觀眾席上欣賞女友,直至比賽完結才悄悄離去。提到這段戀情,黃嘉雯也落落大方:「比賽後,我目前最想同佢、朋友、家人食餐好慶祝。(男友支持加入娛樂圈?)支持呀!其實一直以來我想做咩,佢都會百分百支持我,我相信我入咗行,都唔會影響我哋,何況依家好多藝人都拍拖,好正常。」

分享: