「細龍太」晒泳衣照反擊Haters 「池美麗」貼透視tee力撐

在處境劇《愛.回家之開心速遞》中飾演「細龍太」一角而成功入屋的陳偉琪,身材樣貌以至內涵同樣出眾,早前她在外地參加豎琴比賽橫掃8獎,可是,本身有少少肉地的她,最近就被Haters攻擊指她肥,日前她在IG上載兩張泳衣相,疑似反擊Haters,她留言說:「Haters就會話係肥。」還Tag了#stopbullying(停止欺凌)。她還留言鼓勵一眾女士,表示自己為了身形奮戰一生,之後才意識到,沒有一位女士需要去處理類似問題:「其實女孩子,點解要那麼在意在你生命中不值得佔有位置的人的意見呢?」

陳偉琪的留言一出,同劇拍檔亦開聲力撐﹗其中在《愛》劇中飾演「池美麗」的鍾凱琪,亦接力上載一張身穿透視tee泳裝照力撐:「be my self﹗其實呢張相係我喺澳洲去旅行嗰陣時影。雖然自己好鍾意,不過…考慮咗好耐貼唔貼出來,始終沒有nice body 費事嚇親大家。不過見到細龍太咁靚嘅相貼出嚟,我都好希望大家stopbullying。」之後她再說:「雖然沒有亮麗嘅外表,但每個人也是為自己而活著的。 任何體態都可以擁有屬於自己嘅生活!我會以Vicky為目標好好減肥﹗呢張都好似係我第一張泳衣照貼出嚟,希望唔好嚇親大家,貼出嚟係需要好大嘅勇氣。」

分享: