【做硬拿督女婿】楊明陪莊思明為未來外母慶生

楊明與莊思明拍拖三年,經常公開放閃,二人更視對方為結婚對象。日前莊思明(Lisa)專誠返「娘家」大馬為「拿督夫人」媽媽江玉珠慶生,楊明放下工作陪到底。莊思明真的很孝順,從相中可見,她為壽星媽媽預備了鮮花、香檳、美食、燒豬和壽包,仲邀請了十多二十位親友出席派對,冧得媽媽鬼死咁開心。

不過出發大馬前其實都遇到少少阻滯,莊思明在社交平台透露:「起飛嗰日可以話係一波三折,航班可以delay成7個鐘 (仲要唔係打8號風球喎),真係無端端喺香港機場一日遊。不過點都好,見到媽咪生日玩得咁開心,咩都係值得嘅!媽咪,生日快樂,祝你身體健康,每日開開心心,我愛你。」

分享: