趙慧珊投訴與伍允龍演情侶冇嘴戲

由伍允龍(Philip)和Super Girls的趙慧珊(Aka)主演的動作電影《潛行者》,日前舉行首映禮,此片亦是Philip同「好兄弟」安志杰、吳建豪相隔16年後再合作的電影,Aka表示在片場感受到他們三個男人的付出,她說:「今次是我第一次拍功夫片,學嘅嘢比票房更重要,睇到安志杰、伍允龍和吳建豪拍到受傷,呢部電影可以話係用血汗堆砌出來的。」

Philip都大讚Aka呢個徒弟,「我睇好Aka,有睇過她在新歌MV中的跳舞演出,跳得好好又有節奏感,若加以訓練,做武打女星絕對沒有問題。」雖然二人在電影中飾演情侶,但Aka卻投訴今次二人冇親熱戲,她說:「只有一場戲話我死咗,佢先錫我額頭一啖咋。」Philip聞言搞笑說:「咁下次錫鼻啦!」

分享: