【被新人李靖筠爆老練】陳家樂啜過對方鼻涕

英皇旗下的樂壇新人李靖筠(Gladys),近日化身英皇女司機拍攝「小司機Gladys」,每集會接送不同藝人friend,今次找來同公司的師兄陳家樂做乘客,原來二人私交甚篤,更趁機互相爆料。二人記起之前合作拍電影有kiss情節,Gladys不斷指家樂相當老練,令自己大為緊張,家樂聞言立即反駁,「對住你呢個小朋友,唔淡定就大鑊啦!」

之後Gladys再大爆當時自己因鼻敏感發作,加上哭得死去活來令成塊臉都滿是眼淚鼻涕,但家樂要仍要與她親吻,她說:「我見佢猶豫咗好耐,先輕輕咁錫咗一啖。」家樂聽聞馬上哈哈大笑:「咁真係好核突㗎嘛,成行鼻涕喎!我有諗過好唔好用手抹咗佢啲鼻涕再錫落去。」

分享: