陪完何廣沛泰國慶生 朱晨麗認定未?

剛與「緋聞男友」何廣沛到泰國慶生的朱晨麗(朱朱),出席「第38屆香港貿發局香港鐘表展活動」時,明艷照人,似乎這趟旅行玩得好開心。朱朱接受訪問承認說:「係好開心呀!我哋共有十幾人一齊去,book度假屋,好多活動都喺間屋度進行,可以買餸煮飯,好方便。(有冇加深了解?)兩個人唔係咁易了解,要時間,成班人開心就得。(何廣沛話你冇送生日禮物俾佢?)我哋成村人去泰國同佢慶祝生日!仲想點?我都想有人同我慶祝生日。我哋同行仲有小朋友一齊,主要陪佢哋玩水,其實我好喜歡小朋友。」
另外朱朱有份演出的劇集《多功能老婆》有傳十月播出,朱朱期待:「好期待,希望快啲出街,不過公司未度期宣傳,希望快啲出。而我同千嬅都好耐冇見,佢之前忙做演唱會,做完嘢希望可以約吓見面。」
分享: