新片謝票 衛詩雅獲「外國勢力」支持

由衛詩雅及林德信主演的驚慄片《雙魂》,近日在港上映,兩位主角走勻多間戲院進行謝票。在其中一場謝票活動中,竟發現有老外到場支持港產片,詩雅表現興奮︰「當我入到戲院見到有外國人,當時真係好開心,有唔同國籍的觀眾支持,就可以俾唔同意見我。」問詩雅是否滿意自己的表現?她直言︰「我覺得盡咗力就可以,對得住大家,當然票房愈好就愈開心。」
而林德信表示好開心觀眾認真研究劇情,他說︰「見到好多觀眾喺完場後繼續討論劇情,最開心係令觀眾睇完電影後同朋友一齊討論,好多時當你睇完電影後,離開嗰陣或返到屋企已忘記了。我更留意到觀眾好叻,有大部份人睇第一次就已經明白劇情,有幾個觀眾更睇得好清晰,細緻位都留意到。」
分享: