【英超】馬迪失正選 同蘇B「攤牌」

英超今季啱啱完成咗三輪賽事,但曼聯中場就發生「大地震」,繼費特洛迪古斯可能被球會出售後,尼曼查馬迪被爆同領隊蘇斯克查「攤牌」,傾談自己在球隊的未來。

網上圖片

據英國《每日郵報》報道,領隊蘇斯克查有意將球隊年輕化,今年年初以1200萬歐元將費蘭尼賣到中超山東魯能,靴里拉今季亦轉投巴黎聖日耳門。蘇斯克查今季重用22歲的麥湯文尼擔任正選,令尼曼查馬迪開季三場都未有機會落場比賽。

曼聯領隊蘇斯克查(網上圖片)

這位31歲的塞爾維亞國腳有感自己今季未備重用,已經要求與蘇斯克查見面問清楚自己喺球隊仲有冇正選位置。據稱,曼聯可能於歐洲轉會市場9月2日關閉前賣走這名中場,並已有不少球會有意收購他。

不得不提,紅魔鬼防線剛開季就出現隱憂,左後衞勞基梳爾上場對水晶宮受傷,被逼退下火線。這名英格蘭國腳經檢查後證實腿筋受傷,至少要抖六個星期,好大機會未能出戰9月尾主場對阿仙奴「雙紅戰」,而另一球員達洛治仍然養傷,領隊蘇斯克可需要用34歲老將艾舒利楊格,甚至用長期坐冷板嘅馬高斯盧祖。此外,艾歷拜利起碼要抖到明年一月,曼聯為免他明年夏天佢以自由身離隊而收不到轉會費,只好與他賭一鋪傾續約。

——————————
【#有禮送】下載 @ 流動新聞 📱手機APP!玩遊戲
💌送你百佳禮券
🍺送你德國手工啤
👉👉一玩即知中咩獎!🤟
—————————–

分享: