【遺傳好基因】兒子赴英留學好成績 森美感動

優良基因,就是子女的起跑線。囗才了得的森美讀書時已是尖子,當年他的會考成績是25分(1A2B5C),再考入香港中文大學。而佢剛剛16歲的大仔早前去了英國讀書,阿仔一點不失禮,成績更拍得住老竇,森美出席活動時難掩興奮心情,向來甚少提及家庭的他,也主動透露兒子考獲11科A*成績:「佢喺香港會考成績麻麻,但去到英國就有好好成績,做老竇好開心!但佢聽日就返英國,作為父母都想佢返香港見多啲,就算香港幾難捱都好,一家人喺埋一齊最緊要。」

問到有什麼奬勵送囝囝?他不改搞笑本色:「當時我讚佢『I am 拋鑊 you』(I am proud of you,我以你為榮)。因為我好少講呢句!囝囝聽到都好開心,佢自己都估唔到成績咁好。以前都驚個仔唔係自己,依家佢咁叻就知係自己!總算冇白費心機,供書教學係值得,不枉太太專登過去陪太子讀書。」

分享: