為演唱會五勞七傷 祖兒:針到成條頸腫咗

一連19場的容祖兒Pretty Crazy concert tour,日前終於完滿結束。頭場遇上舞台機件故障,台後祖兒幾近崩潰,之後她宣布免費補一場,祖兒今次演唱會可謂歷盡驚險,而無論舞台設計、舞台服裝、演唱會rundown以致嘉賓名單,祖兒均花盡心思,嘔心瀝血,可見她對自己入行20年的演唱會十分重視。

尾場延續過往近廿場水準,祖兒在尾場繼續落力演出,更賣大包兩度Encore,唱到淩晨12點40分才為19場演出畫上完美句號。祖兒在尾場當晚,更成功邀請黎明擔任嘉賓,能夠邀請到學友、華仔和黎明三大天王擔任嘉賓,祖兒算是大面子。而黎明當晚一出場就和祖兒chit chat,令觀眾爆笑。能邀請黎天王任嘉賓,當然心感興奮,可是黎明則透露原本想回絕祖兒美意,他先望一望手錶,然後解釋說:「現在係10時52分,今晚有兩個創舉,通常我演唱會10時已經走咗,今晚嚟講10時半我已經陪著女兒瞓覺。祖兒說:「我知道呀!唔好意思,阻任你湊女。」祖兒要求拖著黎明的手,他當然應承,卻反要求祖兒說:“傾偈時可否不拉著手,我要留番只手拖女兒。”金句王果然厲害,此金句一出,即引發現場觀眾笑聲不絕。

祖兒在台上解釋邀請黎明做嘉賓的始末,原來她早於今年初在某餐廳內巧遇對方,閒談間便順道請他做嘉賓嘉賓。祖兒說:「當時見到你(黎明)真的很興奮 ,無端端見到黎明喎!」黎明此時又爆金句:「因為夜晚見到黎明系咪?」台下觀眾即爆笑,之後兩人合唱《傻癡癡》。

完成演出後,祖兒接受訪問時形容自己今次表現超乎預期,她說:「我五月開始病,病得好嚴重,當時仲擔心演出,所以特別邀請南京一位醫師飛過嚟,呢幾日要日夜幫我針灸,其實近睇我條頸係腫咗,仲有好多針窿,但為演出我冇諗太多。」提到古巨基和張敬軒任嘉賓時,希望她早日找到個伴,Twins的阿Sa和阿嬌更大爆祖兒有不少人追求,她笑言:「佢哋報大數啫,不過呢10幾晚,都已經有好多男士同我講I love you,真係咁耐都未試過。」

分享: