東京拍新歌MV 蔡一傑登上暴走車被粉絲圍

組合草蜢成員蔡一傑早前飛赴東京,拍攝演唱會主題曲《獨行派對》MV,為即將於10月26至28日假伊館舉行首個個人音樂會《Remus Choy Onederful Live Show 2019》造勢。傑仔坦言自小喜歡東洋文化,因此新歌MV亦提議在當地取景,但近日日本被熱浪侵襲,傑仔坦言每日在猛烈陽光和酷熱天氣下拍外景,汗流浹背:「每日都有37度,只係企喺度唔郁都爆汗,加上時間緊逼,每日只有4、5小時瞓覺,雖然辛苦但好開心,拍咗好多靚景,試咗好多第一次,仲同當地粉絲見面,佢哋會說流利廣東話,我就用『好普通』嘅日文和佢哋溝通,佢哋仲話今次會拉隊飛嚟睇我第一次個人音樂會,好感動!」

本身就是「獨行俠」的傑仔,享受一個人去旅行:「可以同自己相處,了解自己多啲。我鍾意去日本獨遊,因為自小就鍾意當地音樂、文化、藝術和時裝,我會一個人行街、食嘢、睇展覽,同埋『沖涼』!」他揚言不會公開地點,並笑說:「係咪好想知我去邊度『沖涼』呢?想同我一齊沖涼?我唔講,哈哈!其實日本好多靚溫泉地方,好適合休息,消除壓力!」

除了在人山人海的表參道街頭行Catwalk、傑仔還穿傳統和服及浴衣、在日劇著名場景彩虹大橋前放煙花外,還登上暴走藝術貨車,展示音樂會巨型海報游走涉谷,製作非常落本,亦吸引大批粉絲前來撐場。同時,他還乘坐直升機高空觀賞明年在當地舉行的奧運會場地,為此他坦言十分難忘。

分享: