【英超】18歲占士格納隨時係曼聯「救世主」

曼聯今季英超頭三輪賽事,只有首場對車路士全取三分,但越對中游球隊,成績每況越下。不過,原來領隊蘇斯克查睇準U23嘅18歲新星占士格納,隨時搵佢上一隊做曼聯嘅「救世主」。

網上圖片

曼聯今季英超頭三輪賽事,一勝一和一負,首場4比0大勝車路士後,1比1賽和狼隊,前晚(24日)仲喺補時階段1比2不敵上季最終排第十二位嘅水晶宮。

不過原來曼聯仲有個秘密武器,就係青訓出生嘅占士格納(James Garner)。今年只係18歲嘅佢今季喺U23嘅英超賽事嘅表現極之出色,首三場波已經場場有波入,一共攻入四球同埋三次助攻,包括上場對紐卡素U23,遠射入波,被譽為「新史高斯」。

見一隊開季三場先攞得四分,仲要對住中游痛失三分,領隊蘇斯克查亦準備搵佢「救亡」,他說:「九月、十月周中開始踢歐霸盃、英聯盃、足總盃都開始比賽,我哋一定會見到占士格納。佢喺預備組踢得好好。」

占士格納今年2月對水晶宮的英超賽事首次上陣,今夏熱身賽對珀斯光輝,後備上陣2分鐘就有波入。佢嘅遠射技能,相信對現時進攻組織力疲弱的曼聯嚟講,係球隊最大殺傷力武器。

——————————
【#有禮送】下載 @ 流動新聞 📱手機APP!玩遊戲
💌送你百佳禮券
🍺送你德國手工啤
👉👉一玩即知中咩獎!🤟
—————————–

分享: