石詠莉為報復老公不煮飯 電台訪問爆有被虐徵狀

石詠莉(Facebook圖片)

日前(25日),歌手石詠莉到新城電台為歌唱比賽擔任評判,更笑言若選唱老公鄧健泓的歌會加分:「佢啲歌真係好高難度,有時練佢啲歌,升Key都難唱。(唱你啲歌呢?)都會加少少分,但其實感情最緊要,技巧都係其次。(會好Mean?)唔會,交流為主,可能佢哋都教到我嘢。」

問到入行後聽過最Mean的評語是甚麼?她大笑稱有好多,又自認似被虐狂:「以前組合嘅時候多到呢!(最近被粗口問候算Mean?)小事啦!不過我鍾意有人話我做得唔好,咁先有進步。」那麼老公最Mean的說話?她笑說:「話我肥!咁我就唔煮飯佢食,其實我肥都係佢一手造成,有時佢會好矛盾咁話我瘦。(想儲肥你生B?)唔知呢!但我哋有共識,呢幾年做音樂。」

分享: